إزاي تقدر تفكر out of the box – خارج الصندوق

إزاي تقدر تفكر out of the box - خارج الصندوق

التفكير خارج الصندوق مش حاجة صعبة بس في نفس الوقت مش سهل و خصوصاً لو في بداية تعلمك للتفكير بره الصندوق اللي بيعتمد على الإبداع و الخروج عن المألوف و تطلع أفكار جديدة سواء في شغلك أو تفكيرك في موضوع معين أو حتى في خلال حلك لمشكلة .
و لو لسه مش عارف يعنى إيه التفكير خارج الصندوق ادخل على اللينك ده  ..

out of the box - خارج الصندوق

out of the box – خارج الصندوق

إزاي يكون تفكيرك out of the box أو خارج الصندوق

أولاً: ابدأ اتعرف على علم جديد :

غير مجال العلم اللي انت اتعلمته و غير المجال اللي انت بتشتغل فيه لأن العلم الجديد ده هيزود معلوماتك وهيزود خبراتك الحياتية و هتقدر من خلاله تفكر في حاجات أكتر.

ثانياً: اقرأ حاجة هتمدك بمعلومات متنوعة :

زي معتقدات الناس و العادات والتقاليد هتلاقي فيها حاجات غريبة و أفكار مختلفة خالص عن عادات البلد اللي انت عايش فيها و هتتعرف على معلومات جديدة و أفكار و حاجات غريبة هتوسع مداركك و طريقة تفكيرك هتختلف.

ثالثاً: ابدأ اتعلم حاجة جديدة زي حرفة أو هواية :

و خصوصاً لو الحاجة دي هتحتاج تفكير وابداع هتلاقي نفسك بدأت تفكر و تنتج حاجة مختلفة و هيولد عندك دافع الإبداع و الإبتكار في كل حاجة في حياتك.

رابعاً: اقعد مع أطفال صغيرة :

هتلاقي طريقة تفكيرهم و تصرفاتهم غير مألوفة ممكن تقدر تطلع منها أفكار مختلفة و ممكن تلاقي نفسك بتفكير أفكار غير مألوفة زيهم .

اقرأ ايضاً  شركات الدعاية والاعلان وخدماتها

خامساً: اتفرج على مسلسلات و أفلام مشوفتهاش قبل كده :

و اتفرج كمان على أقلام وثائقية في مجالات و علوم مختلفة هتساعدك بشكل كبير علي ان تفكيرك يخرج بره المعتاد عليه .

سادساً: اتعلم الرسم :

و ابدأ ارسم الأفكار اللي انت بتيجي في بالك و الحاجات الكتير اللي يتتخبلها و شايف انها غير واقعية .

سابعاً: اعمل تغيير في حياتك :

بمعنى انك تتعرف على ناس جديدة و غير روتين حياتك .

ثامناً: خليك دايماً مختلف :

و دور على الإختلاف في كل حاجة في تفاصيل حياتك و بلاش تكون صورة نمطية مكررة هتلاقي نفسك تلقائياً بتفكر في أفكار جديدة.