التسويق الصحيح

التسويق الصحيح

لو انت صاحب مشروع في أي مجال أو ليك أي نوع من أنواع البيزنس الخاص يبقى الكلام مهم جدا ً ,علشان تقدر تعمل تسويق للبيزنس الخاص بيك بشكل كويس و مشروعك يحقق نجاح كبير يبقى انت محتاج تعمل تسويق بشكل صحيح و علشان تعمل تسويق بشكل صحيح محتاج تعمل الخطوات دي :

خطوات التسويق الصحيح :

1- دراسة السوق :

أهم حاجة لازم تتعمل قبل بداية تنفسذ مشروعك على أرض الواقع علشان تتقدر تتعرف على نسبة احتياج الجمهور للمنتج أو الخدمة اللي هتقدمها و هل هيكون مفيد و يلبى حاجات الجمهور ولا هتحتاج تتطوره أو تضيف له مميزات ، و كمان هتقدر تتعرف على منافسينك و تقدر تتعرف على نقاط قوتهم و نقاط ضعفهم و تحلوا من خلال دراستك للسوق تقدم محتاجها الجمهور و مش موجودة عند حد من المنافسين .

2- دراسة الفئات المستهدفة :

بعد ما عرفت الجمهور عايز إيه و محتاج لإيه  و عرفت كمان منافسينك محتاج كمان تعرف الفئات المستهدفة اللي هتسوق منتجك أو خدمتك ليهم و علشان تقدر تتعرف على الفئات دي بشكل صحيح لازم تعرف اعمارهم و نوعهم و المنطقة الجغرافية اللي عايشين فيها و محتاج كمان تعرف سلوكياتهم و اهتمامتهم و ثقافتهم علشان تقدر تعرف تؤثر عليهم و تجذبهم لمنتجك أو خدمتك .

3- المكان :

بعد ما عرفت الفئات اللي هتستهدفها لازم تكون عارف كويس الأماكن اللي هتقدر تلاقي فيها الجمهور المستهدف و تعرف بيكونوا متواجدين فين علشان تقدر تسوق لمنتجك أو خدمتك في أماكن تواجدهم سواء من خلال التسويق التقليدي أو التسويق الالكتروني .

اقرأ ايضاً   The dip- المُنخفض

4- Target :

من الحاجات الأساسية جداً تحديد اهدافك قبل بداية التسويق و لازم يكون في مدة محددة للتنفيذ الاهداف الصغيرة و اللي بتكون جزء من الهدف الأكبر زي مثلاً تحديد هدف وصول لنسبة معينة من المبيعات خلال فترة زمنية قصيرة مثل شهر و اللي بتكون جزء من الهدف الكبير و هو الوصل لنسبة محددة أكبر بكتير بعد نهاية 3 سنوات .
و من خلال نسبة تحقيق التارجت هتقدر تحدد نسبة نجاحك .

5- budget :

بعد ما عملت كل الخطوات اللي فاتت لازم تكون محدد البادجت أو الميزانية المتاحة ليك لبدء التسويق للمنتج و هتقدر تحدد من خلالها الادوات اللي هتبداً بيها التسويق الصحيح .
و لو انت مش عملت الكلام ده كله قبل بداية مشروعك تقدر تبدأ تعمله و تلحق مشروعك و تطبق عليه التسويق الصحيح .