اهم 3 نصائح علشان تعمل Back to work صح

اهم 3 نصائح علشان تعمل Back to work صح

الRestart أصعب من الstart  وبرضه الـ Back to work كدة 


طبعاً أجازة العيد خلصت و بدأنا نرجع الشغل من جديد بس للأسف في احساس رهيب بالكسل و الخمول و حاسين إننا راجعين بالعافية و كنا عايزين أجازة أطول أو بنقول ياريت الأجازة تتعاد تاني .. و ده كله أحلام وردية مش هتتحقق.

طيب ليه لما بنرجع من الأجازة بنتعب كل التعب ده رغم أننا لما بنبدأ شغلنا في البداية خالص من بنفكر في التعب ولا بنحس بيه بنفس الكم ؟؟؟

اهم 3 نصائح علشان تعمل Back to work صح

اهم 3 نصائح علشان تعمل Back to work صح


أقولكم ليه :


علشان في بداية الشغل بنكون متحمسين جدأ لعمل شيء جديد و مختلف و عندنا استعداد نبذل مجهود كبير علشان نشوف نتايج تعبنا. ده غير إن جو الشغل الجديد و طبيعة الtasks اللي بنعمله بتكون مختلفة و جوها مختلف عن اللي قبل كده فبتكون روح التغيير سبب في الحماس أننا نعمل أكتر ، لكن لما بنكون في أجازة  نرجع بنحس إننا راجعين لروتين ممل و لأعباء الشغل من جديد و اللي طبعاً مش بيكون زي حماسنا للشغل ده في بدايته لأننا اتعودنا عليه و شوفنا نتايج منها الجيد و منها المحبط .
في الرجوع للشغل دايماً بعد أجازة و خصوصاً أجازة طويلة زي أجازة العيد اللي لسه خارجين منها محتاجين نسترجع نشاطنا شوية و نطلع من جو الكسل و السهر و الأنتخة اللي اتعودنا عليه في الأجازة.


و علشان كده هنقولكم على شوية نصايح :


أولاً: في اخر يوم أو يومين في الأجازة نحاول نصحى من النوم بدري شوية و ياريت لو في نفس مواعيد شغلنا علشان نرجع لمواعيدنا الطبيعية تاني.

ثانياً: بدء تهيئة النفس في أول يوم للعمل للرجوع للشغل و مهامه مرة تانية و ده هيكون من خلال أعادة النظر في ال

tasks الخاصة و ترتيب المطلوب إنجازه الأهم فالمهم على حسب أهميتهم و الDeadline  المفروض لكل task منهم .

ثالثاً: فكر نفسك بالأجازة الإسبوعية و حاول تفكر هتعمل إيه فيها و أنك هتستريح فيها شوية بعد الشغل اللي هتعمله خلال الكام يوم اللي بتنزلهم بعد الأجازة الطويلة.

و هتلاقي نفسك بدأت تتعود على الشغل من تاني و انسي الأجازة الطويلة لحد ما تيجي أجازة تانية طويلة .
و كل سنة وانتم طيبين .

اقرأ ايضاً  التسويق بالعمولة affiliate marketing