ليه تعمل فكرة out of the box

ليه تعمل فكرة out of the box

علشان تعمل فكرة out of the box أو بره الصندوق انت محتاج تعرف حاجات كتير محتاج تعرف أصلاً الصندوق ده عبارة عن إيه ؟؟ و ليه بنقول بره الصندوق ؟؟ و إيه اللي دخلنا جوه الصندوق أصلاً ؟ و كل ده هتعرفه لما تقرأ الكلام اللي تحت ده .

الصندوق اللي بنتكلم عنه ده عبارة عن تفكيرنا في موضوع معين أو حلنا لمشكلة معينة و الصندوق و حدود الصندوق هي الحدود اللي مش بنخرج عنها خلال تفكيرنا بدون وعي اننا بنفكر تفكير تقليدي و معتاد و داخل الحدود المعتادة . و بنقول بره الصندوق علشان كل حاجة حوالينا بتتغير و بتتطور بشكل غير عادي و بسرعة كبيرة بتكون غير مألوفة و مختلفة جداً عن التفكير المعتاد و التقليدي.

ليه تعمل فكرة out of the box

ليه تعمل فكرة out of the box

دخلنا جوه الصندوق إزاي ؟؟

وجودنا  جوه الصندوق ده كان بدون إرادتنا و بدون وعي مننا لأن الصندوق بيحتوي من جواه على خبراتنا الحياتية و تنشئتنا الإجتماعية و التفكير المنطقي اللي تم اجبارنا عليه منذ الطفولة .

نيجي بقى للأهم من كل ده :

ليه عايزين نكون Out of the box  أو نخرج بره الصندوق ؟؟

لأسباب كتير جداً أولها أن تفكيرنا خارج الصندوق هيكون من خلاله نظرتنا للموضوع أو الفكرة أعم وأشمل و أفضل و بالتالي هنقدر نشوف وصولنا لفكرة مختلفة و أكثر قوة من الأفكار التقليدية و هيكون تأثيرها أعمق .

اقرأ ايضاً  أهم المصطلحات المستخدمة في مجال التسويق الجزء الثالث

إحتياجنا لعمل فكرة out of the box  نابع من حاجتنا دايماً للتغيير و لكل ما هو جديد و لمواكبة السوق اللي بيتغير تغيرات سريعة كل يوم و علشان نوصل للتفكير خارج الصندوق محتاجين الحاجات دي :
1- الاهتمام بالمشكلة أو الموضوع اللي محتاجين له الفكرة .
2- الإطلاع : الإطلاع على كل شيء هيوسع مدراكنا من خلال قراءة و مشاهدة أفلام و برامج و مسلسلات و إعلانات و أفلام وثائقية .
3- التركيز : مع كل التفاصيل المحيطة والتفاصيل اللي بنشوفها و بنسمعها في كل مكان .
4- الإلهام: بيحصل من خلال تصفية الذهن والتفكير بهدوء و التواجد في أماكن تساعدنا على الاسترخاء .

و علشان تعرفوا أكتر إزاي تفكر out of the box استنونا في المقال الجاي