نشرة out of the box 2

الأبداع مش بس كلمة بتتنقل علي لسان الكتير مننا ..الأبداع هو حالة من الفن و الأنبهار الأبداع نقدر نقول عليه هو الفن اللي يبهرك اللي يخليك مش مصدق أن الفكره دي طلعت من عقل بشري اللي يخليك عاوز تشوف الحاجة كذا مره زي مثلا جون اتسجل بطريقة مختلفه و غير متوقعه و جديده يخليك بعد ما شوفته في الماتش تشوفه تاني مرة واتنين و تلاته و توريه لصحابك و تبدأ تقولهم ازاي الأبداع بردو اللي بيخلينا نشوف فيلم أكتر من مرة لحد ما نحفظه وأو يخليك تشوف لوحه أو رسمة و تفضل باصصلها كتير و مهما تشوفها تفضل في عينك نظرة الأنبهار دي و متروحش .. الأعلانات مجال من أكتر المجالات اللي بتساعد علي الأبتكار و الأبداع و اظهار الفكرة بصوره مختلفه والتفكير بره الصندوق .

زي ما اتفقنا قبل كده أننا في نشرة out of the box بنسلط الضوء علي الأفكار اللي ابهرتنا و خلتنا نتشدلها .

البطل النهاردة هي شركة هواوي من المعروف أن شركة هواوي شركة موبايلات و أجهزه حديثة و هي صينيه النشأه و الأصل و كلمة هواوي هي كلمة صينية تعني وردة و ده اللي قدرنا بناءا عليه نفهم لوجو الشركة اللي بيرمز لشكل وردة و بتدل في الصين علي العظمه .


نشأت شركة هواوي عام 1987 و بدأت صغيرة شأنها شأن غيرها من الشركات التي اصبحت عملاقة في الفتره الحالية و بسرعة شديدة قدرت أنها تثبت نفسها وسط عملاقة زي أبل وسامسونج مش بس كده دي كمان قدرت أنها تنافسهم !!

اقرأ ايضاً  وسائل الاعلان المختلفة

عن طريق ما حققته من نجاحات ملحوظه هذا العام لم يكن متوقعا علي الأطلاق هواوي شحنت 90.9 مليون جهاز محمول في الصين العام الماضي، وهو ما يمثل أكثر من خُمس السوق بقليل.. وعلى الصعيد العالمي، احتلت المرتبة الثالثة مع حصة سوقية تبلغ 10.4 % خلف شركتي سامسونج وأبل
و حققت أرباح ما يعادل 92.5 مليار دولار أمريكي !!

و في اخر مؤتمر ليها عملت حاجة بنسميها قصف جبهه و هي أنها بحركة ذكية منها وجهت رسالة وضربه لشركة أبل
عن طريق أنها قدمت طبق فاكهه فيه أنواع مختلفه من الفاكهه و كتبت عليها ورقه
sorry.. no apples today

و دي رسالة غير مباشرة منها لشركة أبل .

و ممكن نعتبرها قصف متعدد الجبهات زائد ان مش بس كدة كمان راحت عن طوابير الناس اللي منتظرة الايفون الجديد ووزعت عليهم باور بانك مكتوب عليه ستحتاجه يوماً ما 😉

ايه رأيك في اللي بتعمله شركه هواوي وتتوقع ايه اللي هترد به شركة ابل ؟